अध्यक्षपदी काकासाहेब खेंगरे, उपाध्यक्षपदी दत्तात्रेय सूर्यवंशी

सासवड शहर, ता. २४ : पुरंदर तालुक्यातील कन्हैय्या दहीहंडी उत्सव मंडळाच्या अध्यक्षपदी काकासाहेब खेंगरे यांची निवड झाली आहे. तर, उपाध्यक्षपदी अठरा पगड बाराबलुतेदार संघटनेचे सदस्य दत्तात्रेय सूर्यवंशी, खजिनदारपदी ऋषिकेश महाजन यांचीही नियुक्ती करण्यात आली. माजी आमदार संजय जगताप यांच्या उपस्थितीत झालेल्या बैठकीत ही निवड प्रक्रिया पार पडली. मंडळामार्फत वर्षभर विविध उपक्रम राबविण्यात येतात. याशिवाय, श्रीकृष्ण जन्मोत्सवही उत्साहात साजरा करण्यात येतो. यंदाच्या उत्सवाच्या अनुषंगाने ही निवड करण्यात आल्याची माहिती मंडळाचे अध्यक्ष काकासाहेब खेंगरे यांनी दिली.