‘डिजिटल ॲप’चे शेतकऱ्यांना धडे

गराडे, ता., २२ : ढुमेवाडी (ता. पुरंदर) येथे कृषी तंत्रज्ञानाच्या प्रसारासाठी कृषिकन्यांनी शेतकऱ्यांशी संवाद साधला. त्यांनी यावेळी प्लँटिक्स आणि ई-नाम हा ॲप वापरण्याचे शेतकऱ्यांना धडे दिले. कृषी महाविद्यालय, पुणे अंतर्गत ग्रामीण जागरूकता आणि कृषी औद्योगिक कार्यानुभव''कार्यक्रमांतर्गत हा उपक्रम राबविण्यात आला.
प्लँटिक्स या डिजीटल ॲपद्वारे शेतकऱ्यांनी पिकांचे फोटो स्कॅन केल्यावर पिकांवरील अचूक रोग व कीटकयांची माहिती मिळते तसेच त्यांना नियंत्रित करण्यासाठी औषध वापराचे प्रमाण व जवळील कृषीसेवा केंद्राबद्दल माहिती उपलब्ध होते. ई-नाम या ॲपद्वारे जवळील बाजारपेठा आणि त्यांमध्ये असणारी भाजीपाल्यांची मागणी व दर यांबद्दल घरबसल्या माहिती मिळू शकते अशी माहिती दिली. यावेळी अक्षदा गायकवाड, कावेरी ‍गायकवाड, शीतल काळे, कोमल कांबळे, स्नेहल खंदारे, अक्षता क्षीरसागर, समीक्षा क्षीरसागर, मयुरी मुटकुळे, ऐश्वर्या वळवी या कृषिकन्यांचा समावेश होता. कृषी महावि‌द्यालय पुण्याचे सहयोगी अधिष्ठाता डॉ. महानंद माने, केंद्र समन्वयक डॉ. विजय तरडे, केंद्रप्रमुख डॉ. स्वाती खांदवे, कार्यक्रम अधिकारी डॉ. पल्लवी सूर्यवंशी व डॉ. दीप्ती वाघधरे यांच्या मार्गदर्शनाखाली पार पडला.