दिवे येथे ​मुख्यमंत्री समृद्ध पंचायत राज अभियान कार्यशाळा

गराडे, ता. ८ : दिवे (ता. पुरंदर) येथील श्री कातोबा हायस्कूलमध्ये सोमवारी (ता. ८) ग्रामविकास व पंचायत राज विभागाच्या वतीने मुख्यमंत्री समृद्ध पंचायत राज अभियान अंतर्गत तालुकास्तरीय कार्यशाळेचे आयोजन आमदार विजय शिवतारे यांच्या अध्यक्षतेखाली करण्यात आले होते. यावेळी पंचायत राज व्यवस्थेचे महत्त्व आणि शासनाच्या या नवीन उपक्रमाची माहिती देण्यात आली.
यावेळी आमदार शिवतारे यांनी राज्यात पंचायत राज व्यवस्था रुजवून सत्तेचे विकेंद्रीकरण करणारे माजी मुख्यमंत्री व हरितक्रांतीचे जनक वसंतराव नाईक यांच्या योगदानाला उजाळा दिला. ग्रामपंचायत, पंचायत समिती आणि जिल्हा परिषद या त्रिस्तरीय व्यवस्थेमुळेच गावपातळीवर निर्णय घेण्याचा अधिकार लोकांना प्राप्त झाल्याचे त्यांनी सांगितले.
कार्यशाळेला गटविकास अधिकारी प्रणोती श्रीश्रीमाळ, हरिभाऊ लोळे, ज्योती झेंडे, दत्तात्रेय काळे, राजेंद्र झेंडे, नितीन कुंजीर, धीरज जगताप यांच्यासह विविध ग्रामपंचायतींचे सरपंच आणि नागरिक मोठ्या संख्येने उपस्थित होते.

11596