नुकसानीचे पंचनामे करण्याची पुरंदर राष्ट्रवादी कॉंग्रेसची मागणी

सासवड शहर, ता. १ :पुरंदर तालुक्यामध्ये अतिवृष्टीमुळे शेतीचे व भुईमूग, बाजरी, गाजर, वाटाणा, सोयाबीन, फूल शेती सीताफळ, अंजीर आदी पिकांचे मोठ्या प्रमाणात नुकसान झाले आहे. ठिकठिकाणी शेतीचे बांध ही फुटले आहेत. पुरंदर तालुक्यातील नुकसानीचे तातडीने पंचनामे करून नुकसान भरपाई मिळावी, यासाठी राष्ट्रवादी काँग्रेसच्या वतीने पुरंदरचे तहसीलदार विक्रम राजपूत यांना निवेदन देण्यात आले.
यावेळी पुणे जिल्हा मध्यवर्ती सहकारी बँकेचे अध्यक्ष दिगंबर दुर्गाडे, पुणे जिल्हा परिषदेचे माजी अध्यक्ष जालिंदर कामठे, उत्तम धुमाळ, अमित झेंडे, विराज काकडे, गणेश जगताप, वंदना जगताप, ईश्वर बागमार, उमेश जगताप, रमेश सस्ते, अजिंक्य कड, संदेश पवार, शिवाजी साळुंके, प्रमोद जगताप, नीता सुभागडे, प्रीती जगताप, महेश जगताप, शांताराम कापरे, परवीन पानसरे, नवनाथ बोरावके, प्रकाश कदम, नंदन काकडे, सुनील सोनवणे, बापूसाहेब बडदे, दत्ता राऊत,
हेमंत टिळेकर आदी उपस्थित होते.