सासवडला सरन्यायाधिशांवरील हल्ल्याचा निषेध

सासवड शहर, ता. ८: सर्वोच्च न्यायालयाचे न्यायाधीश भूषण गवई यांच्यावर झालेल्या हल्ल्याच्या निषेधार्थ रिपब्लिकन पक्षाच्या पुरंदर तालुक्याच्या वतीने निषेध करण्यात आला.
सासवड पोलिस ठाण्याचे पोलिस निरीक्षक ऋषिकेश अधिकारी यांना निवेदन देण्यात आले. सर्वोच्च न्यायालयाचे न्यायाधीश भूषण गवई यांच्यावर चप्पल फेकून मारणारा ॲड. राकेश किशोर तिवारी याचे वर राष्ट्रद्रोहाचा गुन्हा दाखल करण्यात यावा. त्याच बरोबर त्याच्या या प्रवृत्तीचा निषेध करण्यात येत आहे.अशा प्रकारे जातीवादी व विकृत मानसिकता असलेल्या प्रवृत्तीचा आम्ही सर्वजण निषेध करीत आहोत. याच्या मुळाशी नक्की कोण आहे? याचाही पोलिसांनी शोध घेणे गरजेचे आहे. या देशात लोकशाही आहे पण काही लोक मनुस्मृतीचे राज्य असल्या प्रमाणे चातुर्रवरनी व्यवस्था मानत आहेत. त्यामुळे भूषण गवई हे मागास वर्गीय असल्यामुळे त्यांचे वर हेतुपुरस्सर चप्पल फेकून मारण्याचा प्रयत्न झालेला आहे. ही जातीय मानसिकता आहे ती ताबडतोब ठेचली पाहिजे असे रिपब्लिकन पक्षाचे पंकज धिवार यांनी असे म्हटले.
यावेळी रिपब्लिकन पक्षाचे युवा अध्यक्ष स्वप्नील कांबळे, उपाध्यक्ष प्रवीण कांबळे, अतिश गायकवाड, सासवड शहर अध्यक्ष विकास देशमुख, प्रिन्स साबळे, प्रस्मित धिवार, प्रतीक धिवार, रवी वाघमारे, मनीष रणपिसे, सिद्धेश चौरे आदी कार्यकर्ते उपस्थित होते.त्याचबरोबर भूमाता ब्रिगेड च्या महिला अध्यक्षा परविन पानसरे यांनीही यावेळी निवेदन पत्र दिले.
11868