झेंडेवाडीत कृषिकन्यांकडून जनजागृती

गराडे, ता. १० : झेंडेवाडी (ता. पुरंदर) येथे कृषिकन्यांकडून शेतकऱ्यांसाठी जनजागृती करण्यात आली. ग्रामीण कृषी जागरूकता आणि कृषी औद्योगिक कार्यानुभव कार्यक्रमाअंतर्गत या उपक्रमाचे आयोजन केले होते.
महात्मा फुले कृषी विद्यापीठ राहुरी अंतर्गत कृषी महाविद्यालय पुणे येथील चतुर्थ वर्षात शिकणाऱ्या संजना आढाव, स्नेहल भोसले, मानसी ढोबळे, ज्ञानेश्वरी गायकवाड, राधिका घोरपडे, सिद्धी जाधव, अक्षदा पाटील, दिशा पवार यांनी फुले अमृतकाळ मोबाईल ॲपबद्दल शेतकऱ्यांना माहिती दिली. या ॲपच्या वापरामुळे शेतकरी त्यांच्या पशुधनाचे आरोग्य व उत्पादनामध्ये सुधारणा घडवू शकतात. तसेच उष्णतेमुळे निर्माण होणाऱ्या ताणातून होणारे नुकसान टाळत सध्याच्या हवामान बदलाच्या परिस्थितीत देखील त्यांच्या उदरनिर्वाहाचे साधन शाश्वत पद्धतीने राखू शकतात. या कार्यक्रमासाठी कृषी महाविद्यालय पुणेचे सहयोगी अधिष्ठाता डॉ. महानंद माने, केंद्र प्रमुख व रावे समन्वयक डॉ. विजय तरडे, कार्यक्रम अधिकारी डॉ. पल्लवी सूर्यवंशी यांचे मोलाचे मार्गदर्शन लाभले.