साबळे फार्मसी महाविद्यालयाचे इन्व्हिक्टा क्रीडा स्पर्धेत यश

सासवड शहर, ता. १८ : इंडियन फार्मास्युटिकल असोसिएशन -स्टुडन्ट फोरम पुणे यांच्या वतीने आयोजित प्रो. प्रशांत हंबर मेमोरियल स्पोर्ट टूर्नामेंट - इन्व्हिक्टा-२०२६ या क्रीडा स्पर्धांमध्ये शेठ गोविंद रघुनाथ साबळे फार्मसी महाविद्यालयाच्या विद्यार्थ्यांनी विविध क्रीडा प्रकारांमध्ये उल्लेखनीय कामगिरी करत सुवर्ण व रौप्य पदकांची कमाई केली.
या स्पर्धांमध्ये मनोज पालवे यांनी १०० मीटर धावण्यात सुवर्णपदक, मंगेश ढाकणे यांनी २०० मीटर धावण्यात सुवर्णपदक, तर प्रणय जंगम (पॉलिटेक्निक) यांनी बॅडमिंटन स्पर्धेत रौप्यपदक पटकावले.
महिला गटात साक्षी जगदाळे यांनी २०० मीटर धावण्यात सुवर्णपदक, सिद्धी नरुटे यांनी २०० मीटर धावण्यात रौप्यपदक, तर सपना सावंत यांनी १०० मीटर धावण्यात सुवर्णपदक पटकाविले.
या यशामागे महाविद्यालयाचे क्रीडा विभाग प्रमुख सुमित मुसळे यांचे मोलाचे मार्गदर्शन लाभले. महाविद्यालयाच्या प्राचार्या डॉ. राजश्री चव्हाण यांनीही मार्गदर्शन केले.