इंदापूर शिक्षक पतसंस्थेच्या सभापतिपदी वाघ

इंदापूर, ता. १० : इंदापूर तालुका प्राथमिक शिक्षक पतसंस्थेच्या सभापतिपदी किशोर वाघ व उपसभापतिपदी संतोष तरंगे यांची बिनविरोध निवड करण्यात आली, तसेच बावडा गटातील रिक्त संचालकपदी विकास गायकवाड, तर तज्ज्ञ संचालक म्हणून पंढरीनाथ ठवरे व बाळासाहेब चव्हाण यांची नियुक्ती करण्यात आली.
इंदापूर तालुका प्राथमिक शिक्षक पतसंस्थेचे संगीता पांढरे व उपसभापती भारत बांडे यांनी स्थानिक पातळीवर ठरल्याप्रमाणे आपल्या पदाचा राजीनामा दिल्याने रिक्त झालेल्या सभापती व उपसभापती पदासाठी येथील पतसंस्थेच्या सभागृहामध्ये सहाय्यक निबंधक एस. एस. कदम यांच्या अध्यक्षतेखाली झाली. निर्धारित वेळेत सभापतिपदासाठी वाघ व उपसभापतिपदासाठी तरंगे यांचा एकमेव अर्ज दाखल झाल्याने त्यांची बिनविरोध निवड झाल्याची घोषणा निवडणूक निर्णय अधिकारी कदम यांनी केली.
याप्रसंगी स्वाभिमानी परिवाराचे सर्वेसर्वा नानासाहेब नरुटे, शिक्षक नेते दत्तात्रेय तोरसकर, बारामती तालुका शिक्षक संघाचे अध्यक्ष बाळासाहेब जगताप, इबटा संघटनेचे राज्यअध्यक्ष उत्तरेश्वर मोहळकर, माजी राज्याध्यक्ष ज्ञानदेव खराडे, शिरूरचे माजी सभापती संतोष विधाते, बिभीषण महाराज गांजे, इबटा संघटनेचे अध्यक्ष मंगेश शेंडे, कास्टट्रायब संघटनेचे अध्यक्ष सुहास मोरे, शिक्षक भारतीचे अध्यक्ष सतीश शिंदे, माजी अध्यक्ष दत्तात्रेय ठोंबरे, आदिनाथ धायगुडे, बालाजी कलवले, सतीश दराडे, शशिकांत शेंडे, सचिव अंबादास नरुटे आदी उपस्थित होते.