रोटरी क्लब इंदापूरच्या अध्यक्षपदी नितीन शहा

इंदापूर, ता. १८ ः इंदापूर रोटरी क्लबच्या अध्यक्षपदी नितीन शहा यांची, तर सचिवपदी प्रदीप घुले आणि खजिनदार पदी मनोहर बेंद्रे यांची नियुक्ती करण्यात आली. शहरातील शहा सांस्कृतिक भवन येथे रोटरी क्लब ऑफ इंदापूरचा पदग्रहण समारंभ रोटरी क्लबचे डिस्ट्रिक्ट गव्हर्नर संतोष मराठे यांच्या अध्यक्षतेखाली व असिस्टंट गव्हर्नर डॉ. राजेश दाते, रोटरी क्लब ऑफ इंदापूरचे संस्थापक अध्यक्ष प्रदीप गारटकर व संस्थापक उपाध्यक्ष मुकुंद शहा, मधुकर भरणे यांच्या प्रमुख उपस्थितीत संपन्न झाला.
यावेळी रोटरी रोटरी क्लब ऑफ इंदापूरच्या सन २०२५-२६ या वर्षासाठी नवनियुक्त पदाधिकाऱ्यांनी पदभार स्वीकारला. यावेळी रोटरी क्लबचे इंदापूरचे संस्थापक अध्यक्ष प्रदीप गारटकर, संस्थापक उपाध्यक्ष मुकुंद शहा, रोटरीचे माजी अध्यक्ष नरेंद्र गांधी, वसंतराव माळुंजकर, राजाराम सागर, समीर सूर्यवंशी, नंदकुमार गुजर, संजय शहा, भिमाशंकर जाधव, पद्मसिंह जाधव, बाळासाहेब म्हेत्रे, अमर गायकवाड, उदय शहा, परसमल बागेचा, डॉ. यतीन शिंदे, नितीन लोंढे, राकेश गानबोटे, दत्तात्रेय व्यवहारे, संदीप वाशिंबेकर, संजय बानकर, आझाद पटेल, दीपक झालटे पाटील आदी उपस्थित होते. या कार्यक्रमाचे मोरेश्वर कोकरे यांनी प्रास्ताविक, तर प्रशांत घुले यांनी आभार मानले.