3386

इंदापूर, ता.२१ : दापूर शहरातील ज्येष्ठ महिलेस सोन्याचे दागिने पॉलिश करून देण्याच्या बहाण्याने फसवणूक करीत तब्बल १ लाख ३३ हजाराचे दागिने लंपास केले. याप्रकरणी अज्ञात दोघांविरोधात इंदापूर पोलिस ठाण्यात गुन्हा दाखल करण्यात आला आहे.
याबाबत निर्मला पारस गुप्ता (वय ५५ वर्ष व्यवसाय गृहिणी रा.इंदापूर पाटील बंगला ता. इंदापूर) यांनी दिलेल्या फिर्यादीनुसार सोमवारी (ता.२१) सकाळी ११ वाजताच्या दरम्यान फिर्यादीच्या राहते घराचे समोर दोन अनोळखी इसमांनी तुमचे सोन्याचे दागिने पॉलिश करून देतो असे म्हणून फिर्यादीकडील ७० हजार रुपये किमतीचे एक तोळा वजनाचे सोन्याचे मंगळसूत्र, २८ हजार रुपये किमतीचे चार ग्रॅम वजनाचे सोन्याचे कानातील कुडे व ३५ हजार रुपये किमतीचे पाच ग्रॅम वजनाची मोराची नक्षी असलेली सोन्याची अंगठी असे एकूण एक लाख ३३ हजार रुपयांचे सोन्याचे दागिने पॉलिश करण्याच्या बहाण्याने एका तांब्यामध्ये ठेवून गॅसवर ठेवण्यास सांगून फिर्यादीचा विश्वास संपादून तांब्यामध्ये दागिने न ठेवता हातचलाकीने फिर्यादीची फसवणूक केली.
केली.या वरून अज्ञात दोघांच्या विरोधात गुन्हा दाखल केला आहे. घटनेचा पुढील तपास पोलिस निरीक्षक सूर्यकांत कोकणे यांच्या मार्गदर्शनाखाली सहाय्यक पोलिस निरीक्षक स्मिता पाटील करीत आहेत.