इंदापुरात पोलिसांचे पथसंचन

इंदापूर, ता. १ : यवत येथे झालेल्या दंगल सदृश परिस्थितीच्या पार्श्वभूमीवर इंदापूर येथे प्रशासनाकडून खबरदारीचा उपाय म्हणून शहरातून पथसंचलन करण्यात आले. यावेळी कायदा आणि सुव्यवस्था राखण्याचे आवाहन पोलिस निरीक्षक सूर्यकांत कोकणे यांनी केले.
याबाबत पोलिस निरीक्षक सूर्यकांत कोकणे यांनी दिलेल्या माहितीनुसार, कायदा व सुव्यस्थेचा प्रश्न निर्माण होऊ नये या करिता इंदापूर पोलिस ठाण्याच्या हद्दीत शुक्रवारी (ता.१) सायंकाळी बाबा चौक, एस.टी. स्टँण्ड, आय कॉलेज, ४० फुटी रोड रोड, भगतसिंह चौक, दर्गा मशिद चौक, नेहरू चौक, मेन बाजारपेठ छत्रपती शिवाजी महाराज चौक असा रूट मार्च पथसंचलन करण्यात आले. यासाठी इंदापूर पोलिस ठाण्याचे चार पोलिस अधिकारी, ३२ पोलिस अंमलदार तसेच सोलापूर ग्रामीणचे दंगा नियंत्रण पथकातील एक अधिकारी ३० अंमलदार यांनी सहभाग घेतला.