इंदापुरातील विद्यार्थ्यांनी बनविल्या विविध संकल्पनेवर राख्या

इंदापूर, ता. ८ : इंदापूर तालुका शिक्षण प्रसारक मंडळ संचलित श्री नारायणदास रामदास प्राथमिक विद्यामंदिर येथे नारळी पौर्णिमेनिमित्त रक्षाबंधनाचा सण साजरा करण्यात आला. यावेळी अंगणवाडी ते पाचवीपर्यंतच्या विद्यार्थ्यांनी वेगवेगळ्या विषयावर राख्या तयार केल्या होत्या.
यामध्ये अंगणवाडीच्या विद्यार्थ्यांनी फळा-फुलांच्या राख्या बनवून निसर्गाच्या प्रेमाचा संदेश दिला. तर पहिलीच्या विद्यार्थ्यांनी पर्यावरण जागृती, दुसरीच्या मुलांनी पौष्टिक आहाराच्या राखीमधून आरोग्याची काळजी, तिसरीच्या विद्यार्थ्यांनी वाचनाचे महत्त्व, चौथीच्या विद्यार्थ्यांनी गड किल्ल्यांचे संवर्धन आणि पाचवीच्या विद्यार्थ्यांनी वैज्ञानिक दृष्टिकोनाचा संदेश दिला.
यावेळी मुख्याध्यापिका सुप्रिया घसे - आगरखेड यांनी सर्व विद्यार्थ्यांच्या राख्यांची पाहणी करत कल्पकतेचे कौतुक केले. या उपक्रमात प्रशालेतील प्रियांका जाधव, प्रियांका चव्हाण, अर्चना दीक्षित, आशा नाझरकर, सोनाली कासेंगावकर, संतोषी बनकर, श्रद्धा साळुंके, सोनिया कदम, संध्या जाधव, अर्चना खंदारे, आशा घोडके, मनीषा कांबळे, नंदा बनसुडे, स्वाती मोरे, रेश्मा गारदी या शिक्षकांनी सहभाग घेतला. सोनिया कदम यांनी सूत्रसंचालन केले. रेश्मा गारदी यांनी आभार मानले. उपक्रम यशस्वितेसाठी तुषार उबाळे, शिक्षकेतर कर्मचारी यशवंत किसवे, शमीम शेख, पूजा पोटरे, राधा माने आदींनी सहकार्य केले.

IND25B05927