लोणी देवकरमध्ये विदेशी दारूच्या बाटल्यांची चोरी

इंदापूर, ता. १० : पुणे-सोलापूर राष्ट्रीय महामार्गावरील लोणी देवकर (ता. इंदापूर) गावच्या हद्दीतील एका हॉटेल व परमीट रूम बिअर बारमधून तब्बल ६५ हजार रुपयांच्या विदेशी कंपन्यांच्या दारूच्या बाटल्यांची चोरी झाल्याची घटना घडली असून याप्रकरणी इंदापूर पोलिस ठाण्यात अज्ञात चोरट्याच्या विरोधात गुन्हा दाखल करण्यात आला आहे. याबाबत हॉटेलचे व्यवस्थापक प्रताप अंबादास भोरे यांनी फिर्याद दिली आहे लोणीदेवकर हद्दीत महामार्गाच्या कडेला असलेले हॉटेल आणि परमीट रूम बिअर बारच्या खिडकीचे ग्रील काढून चोरट्याने बारमध्ये प्रवेश करून बारमधील विदेशी कंपन्यांचे अंदाजे ५५ ते ६५ हजार रुपयांच्या दारूच्या बाटल्या चोरी केली. यावरून अज्ञात चोरट्याच्या विरोधात गुन्हा दाखल करण्यात आला असून या प्रकरणाचा पुढील तपास पोलिस निरीक्षक सूर्यकांत कोकणे यांच्या मार्गदर्शनाखाली पोलिस हवालदार सलमान खान करत आहेत.