इंदापुरात स्ट्रॉंग रूमवर सीसीटीव्हीची नजर

इंदापूर, ता. ३ : येथील स्ट्रॉंग रूमवर मतमोजणीपर्यंत सुरक्षितता सुनिश्चित करण्यासाठी पोलिस प्रशासनाने काटेकोर बंदोबस्त उभारला असून, स्ट्रॉंग रूम परिसरात दुहेरी सुरक्षाव्यवस्था लागू केली असून, संपूर्ण परिसरात सीसीटीव्हीचीही नजर असल्याची माहिती उपविभागीय पोलीस अधिकारी डॉ. सुदर्शन राठोड यांनी दिली. स्ट्रॉंग रूम परिसरात अंतर्गत व बाह्य असा दुहेरी पोलिस कडेकोट बंदोबस्त, सीसीटीव्ही कॅमेऱ्यांची सतत नजर, तसेच होमगार्ड सतत तैनात ठेवण्यात आली आहे.त्यामुळे स्ट्रॉंग रूममध्ये ठेवलेल्या ईव्हीएम यंत्रांची सुरक्षा बाबत अत्यंत दक्षता घेण्यात येत आहे.मतमोजणी होईपर्यंत स्ट्रॉंग रूम परिसरात २४ तास पोलिसांचा पहारा ठेवण्यात आला आहे.