इंदापूर तालुका शिक्षक पतसंस्थेला सावंत यांची भेट

इंदापूर : इंदापूर तालुका प्राथमिक शिक्षकांच्या पतसंस्था कार्यालयास पुणे शिक्षक मतदारसंघाचे माजी आमदार दत्तात्रेय सावंत यांनी सदिच्छा भेट दिली. तसेच नुकतेच सभापतीपदी निवड झालेल्या अनिल शिंदे यांचा सत्कार केला. तसेच पतसंस्थेच्या कामकाजाचे कौतुक केले. यावेळी सावंत यांच्या हस्ते अनिल शिंदे यांना शाल, पुष्पगुच्छ व छत्रपती शाहू महाराज यांचे चरित्रात्मक पुस्तक भेट देण्यात आली.याप्रसंगी माजी आमदार सावंत यांनी संस्थेच्या कार्यपद्धतीची सविस्तर माहिती घेतली. यावेळी संस्थेचे माजी अध्यक्ष दत्तात्रेय ठोंबरे, संचालक बालाजी कलवले, सचिव अंबादास नरुटे तसेच उत्तमराव खारतोडे, वासुदेव पालवे, वामन गायकवाड आणि पतसंस्थेचे कर्मचारी वर्ग उपस्थित होते.