जेजुरीत सोळा वर्षीय मुलाची आत्महत्या

जेजुरी, ता. १४ : जेजुरी शहरातील विद्यानगर येथील राजवीर शेखर पाले (वय १६) या मुलाने राहत्या घरात गळफास घेऊन आत्महत्या केली.
अंबिका शेखर पाले व त्यांचे पती शेखर आणि मुलगा राजवीर हे जेजुरी शहरातील विद्यानगर परिसरातील मध्यवर्ती भागात राहत होते. बुधवारी सायंकाळी राजवीर याने दरवाजाला आतून कडी लावून घरातील अॅंगलला ओढणी बांधून गळफास घेतला. घरातील व्यक्तींच्या लक्षात येताच त्यांनी दरवाजा तोडून त्याला सोडवून तत्काळ खासगी रुग्णालयात हलविण्यात आले. मात्र, उपचारापूर्वीच मृत्यू झाल्याचे डॉक्टरांनी सांगितले. याबाबत अंबिका यांचे मावस भाऊ अक्षय पंढरीनाथ मोरे (रा. जेजुरी) यांनी फिर्याद दिली. आकस्मिक मयत म्हणून नोंद करण्यात आली आहे. अधिक तपास पोलिस उपनिरीक्षक पुजारी करीत आहेत.