जुन्नरच्या महाविद्यालयात विविध स्पर्धांचे आयोजन

जुन्नर, ता. १५ : येथील श्री शिवछत्रपती महाविद्यालयात गणेशोत्सवानिमित्त विद्यार्थ्यांच्या कलागुणांना वाव देण्याच्या हेतूने विविध स्पर्धांचे आयोजन करण्यात आले होते. या स्पर्धेत विद्यार्थ्यांनी उत्स्फूर्तपणे सहभाग घेतला. यामधील हस्ताक्षर स्पर्धेत मृणाल पांडे, वैष्णवी बनकर व प्रज्ञा वाव्हळ यांनी अनुक्रमे प्रथम, द्वितीय व तृतीय क्रमांक पटकाविले. मेहंदी स्पर्धेत प्रियांका गायकवाड, झेहरा सय्यद व प्रांजल डोके यांनी, पारंपारिक वेशभूषा स्पर्धेत विशाल भवारी, मानसी ढोमसे व वैष्णवी बनकर यांनी, पथनाट्य व एकपात्री स्पर्धेत सूर्यजा माने, निकिता डोके व अयान तिरंदाज यांनी, अन्नकोट स्पर्धेत प्रियंका परदेशी, मृणाल राबाडे व वेदश्री भालेकर यांनी, वन मिनिट ऑन स्टेज या स्पर्धेत गौरी खिलारी, अल्फिया पठाण व कीर्ती बटवाल या विद्यार्थ्यांनी अनुक्रमे प्रथम, द्वितीय व तृतीय क्रमांक मिळविले. या सर्व विद्यार्थ्यांना प्रमाणपत्र व सन्मानचिन्ह देऊन गौरविण्यात आले.