शिरोली बुद्रुक येथे उद्या शेरकर स्मृतिदिनी कार्यक्रम

जुन्नर,ता.२५ : येथील श्री विघ्नहर सहकारी साखर कारखान्याचे संस्थापक अध्यक्ष माजी खासदार स्वर्गीय निवृत्तीशेठ शेरकर यांच्या अठराव्या व त्यांच्या पत्नी स्वर्गीय हिराबाई यांच्या सोळाव्या पुण्यस्मरण दिनानिमित्त मंगळवारी (ता.२७) शिरोली बुद्रुक (ता.जुन्नर) येथे कार्यक्रमाचे आयोजक केले आहे, अशी माहिती कारखान्याचे अध्यक्ष सत्यशील शेरकर यांनी दिली.
सत्यशील शेरकर यांचे निवासस्थानी सकाळी होणाऱ्या कार्यक्रमास ज्येष्ठ चित्रपट अभिनेते डॉ. गिरीश ओक प्रमुख पाहुणे म्हणून उपस्थित राहणार आहेत.यावेळी विविध मान्यवरांच्या उपस्थितीत प्रतिमा पूजन करण्यात येणार आहे. या कार्यक्रमास सभासद, शेतकरी व ग्रामस्थांनी उपस्थित राहावे, असे आवाहन अध्यक्ष शेरकर व संचालक मंडळाने केले आहे.
निवृत्तीशेठ यांनी विघ्नहर सहकारी साखर कारखान्याची उभारणी केल्याने तालुक्यातील शेतकऱ्यांचे जीवनमान उंचावण्यास मोठी मदत झाली आहे. आपले संपूर्ण जीवन त्यांनी सर्वसामान्यासाठी झिजवले. त्यांचे आचार, विचार व कर्तृत्व पुढील अनेक पिढ्यांना मार्गदर्शक ठरणार असून हा निरंतर ठेवा जपण्याचे काम करत असल्याचे शेरकर यांनी सांगितले.

------------------08561, 08562