जुन्नरला सोमवारी महसूल लोकअदालत

जुन्नर, ता. ५ : तहसील कार्यालय जुन्नर येथे सोमवारी (ता. ९) महसूल लोकअदालतीचे आयोजन केले आहे. यावेळी महसूल न्यायप्रक्रियेतील प्रलंबित दाव्यांना सामंजस्याने आणि तडजोडीतून न्याय मिळवून देण्यात येणार असल्याची माहिती तहसीलदार डॉ. सुनील शेळके यांनी दिली.
उपविभागीय अधिकारी गोविंद शिंदे, तहसीलदार शेळके यांच्या उपस्थितीत ही महसूल अदालत होणार असून यावेळी तहसील मधील विविध कलमांखालील दाखल प्रलंबीत महसुली दावे जलद गतीने निकाली काढण्यात येणार आहेत. तसेच महसुल मंडलाच्या स्तरावर मंडल अधिकारी यांच्याकडील प्रलंबित दावे निकाली काढण्यात येणार आहेत. अप्पर जिल्हाधिकारी डॉ. सुहास मापारी यांच्या आदेशान्वये तसेच जुन्नर-आंबेगावचे प्रांताधिकारी गोविंद शिंदे यांच्या मार्गदर्शनाखाली या लोकअदालतीचे आयोजन केले आहे.