जुन्नरमधील २८ गावांचे सरपंचपद खुले

जुन्नर, ता.१२ : जुन्नर तालुक्यातील १४४ ग्रामपंचायतींपैकी आदिवासी क्षेत्रातील ४७ ग्रामपंचायती वगळता उर्वरित ९७ ग्रामपंचायतीच्या सरपंचपदाच्या आरक्षणाची सोडत शुक्रवार (ता.११) पुन्हा नव्याने काढण्यात आली. यातील ४९ ग्रामपंचायतीचे सरपंचपद महिलांसाठी राखीव झाले आहे. बिगर आदिवासी क्षेत्रातील ९७ ग्रामपंचायतींचे सरपंचपदाचे आरक्षण अनुसूचित जाती,अनुसूचित जमाती, इतर मागास प्रवर्ग व सर्वसाधारण या क्रमाने काढण्यात आले. महिलांसाठी ५० टक्के जागा राखीव ठेवण्यात आल्या आहेत.सरपंच पदाच्या खुल्या गटासाठी २८ जागा आहेत. या सोडतीत खुल्या गटाची एक जागा कमी झाली आहे.
सदरचे आरक्षण हे ५ मार्च २०२५ ते ४ मार्च २०३० या कालावधीत यापुढे होणाऱ्या ग्रामपंचायतींच्या सार्वत्रिक निवडणुकांसाठी लागू राहणार असल्याचे प्रभारी तहसीलदार तहसीलदार डॉ.सुनील शेळके यांनी सांगितले यावेळी निवडणूक नायब तहसीलदार ए. बी. गवारी, अव्वल कारकून अनिल थोरवडे, जगदीश खेडकर, विजय खारतोडे मंडल अधिकारी एम.टी. ढाणे, तुषार कोरडे आदी उपस्थित होते.
अनुसूचित जाती (महिला) सावरगाव, काले, पारगाव तर्फे आळे.
अनुसूचित जाती :- धोलवड, विघ्नहरनगर. अनुसूचित जमाती (महिला) जाधववाडी, उदापूर उंब्रज नंबर एक, शिरोली बुद्रुक.
अनुसूचित जमाती :- विठ्ठलवाडी (येणेरे), बेलसर, नारायणगाव, हिवरे बुद्रुक.
नागरिकांचा मागास प्रवर्ग (महिला) झापवाडी, गुंजाळवाडी (आर्वी), कुमशेत, विठ्ठलवाडी (वडज), काळवाडी,पिंपळवंडी, खिलारवाडी, खोडद, आर्वी, वडज, वारुळवाडी, गुळूचवाडी, निमदरी, ओतूर.
नागरिकांचा मागास प्रवर्ग :- मांदारणे, गोळेगाव, उंब्रज नंबर दोन, वडगाव आनंद, पिंपळवंडी, येडगाव, अलदरे, गुंजाळवाडी(बेल्हे),आलमे, बुचकेवाडी, सुलतानपूर, अणे, निरगुडे.
सर्वसाधारण महिला :- ओझर, धालेवाडी तर्फे हवेली, खामुंडी, निमगाव तर्फे महाळुंगे, आळे, कुसूर, पिंपरी पेंढार, उंचखडकवाडी, पारुंडे,बस्ती,शिंदेवाडी, दातखिळे वाडी,धनगरवाडी, तेजेवाडी, रोहकडी,येणेरे, वडगाव कांदळी, शिरोली खुर्द, पिंपरीकावळ, शिंदे, रानमळा, संतवाडी, काटेडे, भोरवाडी( हिवरे बुद्रुक) पिंपळगाव सिद्धनाथ, हिवरे तर्फे नारायणगाव, बल्लाळवाडी, चिंचोली,धामणखेल.
सर्वसाधारण :- पिंपळगाव तर्फे नारायणगाव, ठिकेरवाडी, नेतवड, हिवरे खुर्द, साकोरी तर्फे बेल्हे, मंगरूळ, डुंबरवाडी, बेल्हे, कांदळी, शिरोली तर्फे आळे, राजुरी, बोरी बुद्रुक, आगर, मांजरवाडी, वडगाव सहाणी, निमगावसावा, कुरण, पेमदरावाडी, राळेगण,कोळवाडी(आळे), पाडळी, बोरी खुर्द, बांगरवाडी, नळावणे, खानापूर, औरंगपूर, तांबेवाडी, अहिनवेवाडी, डिंगोरे.