जुन्नर कोंडीमुळे पर्यटकांना मनस्ताप

जुन्नर, ता. १३ : सलग सुट्टी आल्याने मोठ्या संख्येने आलेल्या पर्यटकांना रविवारी (ता.१३) सायंकाळी जुन्नर येथे वाहतूक कोंडीला सामोरे जावे लागले. यामुळे त्यांना मनस्ताप सोसावा लागला.
शिवनेरी, लेण्याद्री, दाऱ्या घाट, नाणेघाट, कोकणकडा येथे पर्यटकांची मोठी गर्दी झाली होती. जुन्नर-नारायणगाव रस्त्यावरील छत्रपती श्री शिवाजी महाराज स्मारक चौक, एसटी बसस्थानक, परदेशपुरा परिसरात वाहनांच्या रांगा लागल्या होत्या. जुन्नरचा आठवडे बाजाराचा दिवस असल्याने कोंडीत भर पडली. आठवडे बाजाराच्या दिवशी रस्त्याच्या कडेला असलेल्या पादचारी मार्गावरच भाजीपाला, फळे तसेच विविध वस्तूंचे विक्रेते व्यवसाय करतात. खरेदीसाठी येणाऱ्या दुचाकी चारचाकी वाहनांच्या गर्दीने त्यात भर पडली होती.

08786