पीक विमा योजनेत सहभागी व्हा : भोसले

जुन्नर, ता.२९ : कृषी विभागाचे क्षेत्रीय कर्मचारी तसेच विकास सोसायटीचे सचिव गावोगावी जाऊन खरीप हंगाम २०२५ साठी प्रधानमंत्री पीक विमा योजनेची माहिती देत आहेत. शेतकऱ्यांनी ३१ जुलै पूर्वी अर्ज सादर करून योजनेत सहभागी व्हावे, असे आवाहन तालुका कृषी अधिकारी गणेश भोसले यांनी केले आहे.
अमरापूर (ता.जुन्नर) येथे कृषी अधिकाऱ्यांनी शेतकऱ्यांशी संवाद साधला. यावेळी मंडल कृषी अधिकारी एस. धायगुडे यांनी खरी हंगामातील पिकाच्या आर्थिक संरक्षणासाठी शेतकऱ्यांनी पीक विमा भरण्याबाबत मार्गदर्शन केले.
यावेळी उपकृषी अधिकारी भाऊसाहेब बोकड, पी.एम. गभाले, सहाय्यक कृषी अधिकारी अमोल मोरे, प्रमिला बाळसराफ, विमा प्रतिनिधी गणेश कोकणे, उपस्थित होते. अर्जासाठी लागणारी कागदपत्रे सातबारा उतारा ई-पीक पाहणी नोंद ॲग्री स्टॅग फार्मर आयडी स्वयंघोषणापत्र आधार कार्ड आधारला लिंक असलेले बँक खाते विमा अर्ज कोठे करावा बिगर कर्जदार शेतकऱ्यांनी आपल्या नजीकच्या सीएससी सेंटर व प्राथमिक कृषी पतसंस्था,व्यापारी बँक, प्रादेशिक ग्रामीण बँक किंवा अधिकृत प्रतिनिधीकडे अर्ज सादर करावा.
अधिक माहितीसाठी संपर्क भारतीय कृषी विमा कंपनी हेल्पलाइन नंबर १४४४७

08877