शेरकर यांच्या जयंतीनिमित्त वक्तृत्व स्पर्धा

जुन्नर, ता. ४ : जुन्नर येथील श्री विघ्नहर सहकारी साखर कारखान्याचे संस्थापक अध्यक्ष माजी खासदार निवृत्तीशेठ शेरकर यांच्या जयंतीनिमित्त जिल्हा व तालुका पातळीवरील वक्तृत्व स्पर्धेचे आयोजन करण्यात येणार आहे. येत्या मंगळवारी (ता. १२) शिरोलीच्या न्यू इंग्लिश स्कूल येथे ही स्पर्धा होणार असल्याची माहिती सत्यशिल शेरकर यांनी दिली.
माजी खासदार निवृत्तीशेठ नामदेव शेरकर प्रतिष्ठान, सत्यशिल शेरकर कम्युनिटी सेंटर व न्यू इंग्लिश स्कूल शिरोली बुद्रुक यांच्या वतीने दरवर्षी वक्तृत्व स्पर्धा आयोजित केली जाते. तालुकास्तरीय लहान गट (इयत्ता ५वी ते ७वी), मोठा गट (इयत्ता ८वी ते १०वी) व जिल्हास्तरीय उच्च माध्यमिक आणि महाविद्यालयीन गट अशा तीन गटात या स्पर्धा होणार असून स्पर्धेतील प्रथम तीन स्पर्धक व उत्तेजनार्थ यांना रोख बक्षीसे, स्मृतिचिन्ह व प्रशस्तीपत्र देण्यात येणार आहेत. स्पर्धेची अधिक माहिती व नावनोंदणीसाठी इच्छुक स्पर्धकांनी ११ तारखेपर्यंत व्ही.एम.डुंबरे (९८८११९१०७९), आर.एस.अय्यर (९३२५५७१७६१) यांच्याशी संपर्क साधावा.