पेमदरा कला केंद्राच्या बांधकामास स्थगिती

जुन्नर, ता. ५ : पेमदरा (ता. जुन्नर) येथील गट नंबर ३४०मधील बांधकाम तत्काळ थांबविण्याचे आदेश जुन्नरचे तहसीलदार डॉ. सुनील शेळके यांनी रेखा मुसळे यांना बजावले आहेत.
पेमदरा येथील सुमारे सहा हजार चौरस मीटर जागेत कला केंद्र सुरू होणार असल्याने स्थानिक नागरिकांनी यास तीव्र विरोध केला आहे. याबाबतचे निवेदन शिवसेना तालुकाप्रमुख योगेश पाटे यांनीदेखील तहसीलदारांना दिले होते. याबाबत तहसीलदार डॉ. शेळके म्हणाले, ‘‘येथील बांधकाम नकाशांना सहायक संचालक नगर रचना मूल्यनिर्धारण विभाग पुणे यांनी परवानगी दिल्यानंतर महसूल विभागाने जानेवारीमध्ये परवानगी दिली आहे. संबंधितांनी अकृषिक परवानगी घेताना सांस्कृतिक भवन म्हणून परवानगी घेतली आहे. कला केंद्र म्हणून त्यांनी परवानगी घेतलेली नाही.’’