कॉन्ट्रॅक्टर असोसिएशन अध्यक्षपदी विनय वाबळे

जुन्नर, ता. ७ : येथील इंजिनिअर बिल्डर कॉन्ट्रॅक्टर असोसिएशन- शिवनेरी, जुन्नरच्या अध्यक्षपदी विनय वाबळे व सचिवपदी आदित्य पुरवंत यांची निवड झाली. पुणे जिल्हा नियोजन समितीचे माजी सदस्य दिलीप मेदगे व जुन्नरचे मुख्याधिकारी चरण कोल्हे यांच्या प्रमुख उपस्थितीत पदग्रहण सोहळा झाला. यावेळी मावळते अध्यक्ष मुकेश ताजणे यांनी नूतन अध्यक्ष वाबळे यांच्याकडे पदभार दिला. यावेळी संघटनेचे सदस्य नितीन माळवदकर, विनायक कर्पे, बंडू कर्पे, मिलिंद झगडे, संतोष केदारी, प्रदीप थोरवे, संतोष सरजिने, संतोष नवले, पापा खोत, तुषार लाहोरकर, जितेंद्र काळे, अनिल जाधव, सचिन मलठणकर आदी उपस्थित होते. संजय गांधी यांनी सूत्रसंचालन केले, तर आदित्य पुरवंत यांनी आभार मानले.