जुन्नरमधील एकास विनयभंगप्रकरणी अटक

जुन्नर, ता. ९ : मजुरी काम करणाऱ्या महिलेचा विनयभंग केल्याचा कारणावरून जुन्नर पोलिसांनी युवराज सुनील साळवे (रा. जुन्नर) याच्याविरुद्ध गुन्हा दाखल केला आहे. पोलिसांनी तातडीने आरोपीस ताब्यात घेऊन अटक केली असल्याचे पोलिस निरीक्षक किरण अवचर यांनी सांगितले.
याबाबतची फिर्याद पीडित महिलेने शुक्रवारी (ता. ८) जुन्नर पोलिसांकडे केली. आरोपीने महिलेच्या घरासमोर उभे राहून, ‘मला तू आवडते’ असे म्हणून हातवारे करून खुणवले, पैसे दाखविले, विचित्र आवाज काढून हाताला धरले व लज्जा उत्पन्न होईल, असे कृत्य केले असल्याचे फिर्यादीत नमूद केले आहे. पोलिस हवालदार पारधी पुढील तपास करत आहेत.