‘महावितरण’च्या अभियंत्यास शिवीगाळ

जुन्नर, ता. १० : शासकीय कामात अडथळा आणल्याच्या कारणावरून पिंपळगाव सिद्धनाथ- विठ्ठलवाडी(ता. जुन्नर) येथील तिघांविरुद्ध गुन्हा दाखल केला आहे.
पिंपळगाव सिद्धनाथ येथे तीन महिन्याचे थकीत वीज बिल भरले नसल्याने खंडागळे यांचे विद्युत जोड बंद करण्यासाठी ‘महावितरण’चे आगर विभागाचे सहाय्यक अभियंता प्रफुल्ल कुरसंगे मंगळवारी (ता. ९) आपल्या कर्मचाऱ्यांना घेऊन गेले होते. यावेळी  विक्रम खंडागळे, गणेश खंडागळे व प्रतीक खंडागळे (रा. पिंपळगाव सिद्धनाथ- विठ्ठलवाडी) यांनी त्यांना अर्वाच्य भाषेत  शिवीगाळ व दमदाटी केली. तसेच, धक्का मारून ढकलून दिल्याचे कुरसंगे यांनी फिर्यादीत नमूद केले आहे.