जुन्नरला निवडणुकीमुळे थकीत करांची वसुली

जुन्नर, ता. २१ : निवडणुकीच्या निमित्ताने जुन्नर नगर परिषदेच्या तिजोरीत ७ ते १७ नोव्हेंबर या दहा दिवसांत एकूण १७ लाख ७६ हजार ५६५ रुपये करभरणा झाला. या कालावधीत थकीत कर वसुली ८ लाख १८ हजार २२० रुपये झाली. तर, चालू कर वसुली ९ लाख ५८ हजार ३४५ रुपये इतकी झाली असल्याचे कर संकलन विभाग प्रमुख दत्तात्रेय सुतार यांनी सांगितले. नगर परिषद निवडणुकीत नगराध्यक्ष व सदस्य पदासाठी एकूण १३५ उमेदवारी अर्ज दाखल झाले आहेत. उमेदवारी अर्जांसमवेत नगर परिषदेची कोणतीही थकबाकी नसल्याचा दाखला जोडणे बंधनकारक होते. यामुळे इच्छुक उमेदवारांनी त्यांच्या नावे असलेल्या साऱ्या थकीत करांचा भरणा केला आहे.