खळद, शिवरी सोसायट्यांत पीक कर्ज वाटप

खळद ता. १० : शिवरी (ता.पुरंदर) येथे असणाऱ्या पुणे जिल्हा मध्यवर्ती सहकारी बँकेच्या शाखेमध्ये खळद, शिवरी, वाळूज या विविध कार्यकारी सेवा सोसायटीतील सभासदांना खरीप हंगामातील पीक कर्जाचे वाटप आजपासून (ता.१०) प्रारंभ झाला आहे.
खळद येथील २२६ खातेदारांना जवळपास २.६५ कोटी रुपयांचे वाटप करण्यात आले. शिवरी येथील १३० सभासदांना १.७६ कोटी तर वाळुंज येथील जवळपास ९८ सभासदांना ९२ लाख रुपयांची वाटप करण्यात आल्याची माहिती सचिव राऊत यांनी दिली.
पुणे जिल्हा मध्यवर्ती सहकारी बँकेच्या वतीने ०% दराची पीक कर्जाची जाहिरात होत आहे, प्रत्यक्षात शेतकरी दोन तीन वर्षापासून ०६% टक्के व्याजाने पैसे परतफेड करत आहे. मात्र अद्याप त्यांना सदर ०६% व्याजाची रक्कम परत मिळाली नसल्याने शेतकऱ्यांनी नाराजी व्यक्त केली तर शासनाने याबाबत तातडीने निर्णय घ्यावा अन्यथा तीव्र आंदोलन करण्याचा इशाराही शिवरी सोसायटीचे संचालक समिर कामथे यांनी दिला.

यावेळी विकास अधिकारी शिरीष जाधव, शाखाधिकारी नीता मानकर, खळद सोसायटीचे अध्यक्ष चंद्रकांत कामथे, शिवरी सोसायटीचे अध्यक्ष ज्ञानेश्वर कामथे, खळदचे उपाध्यक्ष महेंद्र रासकर, शिवरीचे आनंता लिंभोरे यांच्यासह संचालक विलास कामथे, राजाराम चव्हाण, धनंजय कामथे उपस्थित होते. पीक वाटपासाठी सचिव संतोष राऊत, सविता पवार यांनी विशेष सहकार्य केले.

01889