पुरंदरमध्ये ७ मार्चला गतिमान प्रशासन कार्यक्रम

खळद, ता. ४ : नागरिकांना पारदर्शक, गतिमान, लोकाभिमुख प्रशासन उपलब्ध व्हावे यासाठी कार्यालयीन कामकाजास गतिमानता, निर्णयक्षमता आणणे आणि सर्वांच्या सहकार्यातून उत्तम प्रशासन कार्यान्वित व्हावे यासाठी राबविण्यात येत असलेल्या १०० दिवसांच्या मोहिमेअंतर्गत पुरंदर तालुक्यात गावोगावी ७ मार्च रोजी विशेष शिबिर राबविण्यात येणार आहे. याबाबतच्या सूचना पुरंदरचे तहसीलदार विक्रम राजपूत यांनी सर्व मंडल अधिकारी, ग्राम महसूल अधिकारी यांना दिल्या आहेत.
या उपक्रमाच्या माध्यमातून नागरिकांची वारसनोंद, लक्ष्मी मुक्ती योजने अंतर्गत कामकाज, पाणंद रस्ते व गाव नकाशावरील रस्ते खुले करणे,
विविध दाखले वाटप शिबिर, प्रलंबित फेरफार निर्गती व निकाल प्रत वाटप यांसह विविध कामे होणार आहेत.
या मोहिमेचा लाभ घेण्याचे आवाहन मंडलाधिकारी दुर्गादास शेळकंदे यांनी केले आहे.