सोयाबीन उत्पन्न वाढीचे कडूसला शेतकऱ्यांना धडे

कडूस, ता.२३ : कडूस (ता.खेड) येथे सोयाबीन पीक प्रशिक्षण शिबिर पार पडले. यात शेतकऱ्यांना सोयाबीन पीक उत्पन्न वाढीसाठी मार्गदर्शन केले. तसेच सोयाबीनच्या बियाणे व बीज प्रक्रिया औषधांचे वाटप करण्यात आले.
राष्ट्रीय खाद्यतेल गळीत धान्य सोयाबीन पीक प्रात्यक्षिक उपक्रमांतर्गत बंदावणे शिवारात शिबिर पार पडले. यावेळी मंडल कृषी अधिकारी रूपाली पापडे यांनी ॲग्रीस्टॅक, बीबीएफ पेरणी विषयी शेतकऱ्यांना मार्गदर्शन केले. उपविभागीय कृषी अधिकारी दत्तात्रेय घोरपडे यांनी शेतकऱ्यांना सोयाबीनची उगवण चाचणी, बीज प्रक्रिया, कृषी निविष्ठाचा योग्य वापर याविषयी सविस्तर माहिती दिली. सहाय्यक कृषी अधिकारी ज्योती राक्षे यांनीही यावेळी मार्गदर्शन केले.
या प्रशिक्षण शिबिराच्या आयोजनासाठी नवयुग कृषी विकास गटाचे शेतकऱ्यांनी परिश्रम घेतले. यावेळी शेतकरी युवराज बंदावणे, भानुदास बंदावणे, दत्तात्रेय बंदावणे, संतोष नाईकरे, राहुल नेहरे, गोरक्ष नेहरे, विठ्ठल बंदावणे, बाळू बंदावणे, रतन डांगले, शिवाजी बंदावणे, सुरेश नेहेरे, सुरेश नेहरे, भरत नेहरे, संदीप बंदावणे व नेहेरे शिवार, बंदावणे शिवार परिसरातील शेतकरी बांधव उपस्थित होते.

01785