शुक्रवारी बिरंगाई देवीची आषाढी यात्रा

कळस, ता. ७ : बिरंगुडी (ता. इंदापूर) येथील बिरंगाई देवीची यात्रा शुक्रवारी (ता. ११) भरणार आहे. यात्रेनिमित्त विविध धार्मिक व सांस्कृतिक कार्यक्रमाचे आयोजन केल्याची माहिती यात्रा समितीने दिली.यात्रेनिमित्त मंदिर परिसराची स्वच्छता, सुशोभीकरण, मूर्तींचे रंगकाम, दिवाबत्ती, शुद्ध पिण्याचे पाणी पुरविणे यांसारखी कामे केली जात आहेत.
नवसाला पावणारी देवी म्हणून बिरंगाई देवीची ख्याती परिसरात आहे. यात्रेसाठी पुणे जिल्ह्यासह सातारा, नगर, मुंबई येथील भाविक दरवर्षी यात्रेसाठी आवर्जून उपस्थिती लावतात. यात्रेदरम्यान भाविकांकडून नवसाची परतफेड केली जाते. यंदा आषाढी पौर्णिमा झाल्यानंतर शुक्रवारी यात्रा भरणार आहे. यात्रेदिवशी सकाळी देवाची पकाळणी, अभिषेक व मिरवणुकीचे आयोजन करण्यात आले आहे. ग्रामस्थांच्यावतीने देवीला मानाचा पोशाख, विहिरीला नारळ अर्पण व मंदिरात भक्तांचा भाकणुकीचा कार्यक्रम होईल. यानंतर दिवसभर नवसाच्या परतफेडीचा कार्यक्रम होईल. सायंकाळी शबनम पुणेकर यांचा मनोरंजनाचा कार्यक्रम होईल.