कळसमध्ये दुकाने बंद

कळस, ता. २३ : सकल हिंदू समाजाने दिलेल्या इंदापूर तालुका ‘बंद’च्या हाकेला कळस ग्रामस्थांनी प्रतिसाद देत गावात कडकडीत बंद पाळला. अत्यावश्यक सेवा वगळता गावातील व्यापारी, व्यावसायिकांनी आपली दुकाने बंद ठेवून सहभाग नोंदविला. रविवारी दिवसभर समाजमाध्यमावर सकल हिंदू समाजाच्यावतीने बंद पाळण्याचे जाहीर केले होते. यानंतर सोमवारी सकाळी व्यावसायिकांनी दुकाने बंद ठेवून सदर घटनेचा निषेध नोंदविला. बंद दरम्यान अनुचित घटना घडू नये, याची खबरदारी म्हणून वालचंदनगर पोलिसांनी येथे दिवसभर बंदोबस्त ठेवला होता.