‘हडपसर ते कानगावपर्यंत बससेवा सुरू करा’

कानगाव, ता.२८ : हडपसर (पुणे) ते कानगावपर्यंत बससेवा सुरू व्हावी, यासाठी कानगावचे सरपंच राहुल चाबुकस्वार यांनी निवेदनाद्वारे मागणी केली आहे. यासंदर्भातील निवेदन (ता.२२) रोजी ‘पीएमपीएमएल’चे व्यवस्थापक व दौंड तालुक्याचे आमदार राहुल कुल यांना देण्यात आले आहे. सध्या पीएमपीएमएल बससेवा ही हडपसर (पुणे) ते वरवंडपर्यंत सुरू आहे. ही बससेवा पुढे वरवंडवरून पाटसमार्गे कानगावला करण्यात यावी, अशी मागणी या निवेदनात करण्यात आली आहे. या सेवेमुळे कानगाव पंचक्रोशीतील नागरिक तसेच विद्यार्थ्यांना दररोज पुण्याला ये-जा करण्यासाठी मोठा फायदा होणार आहे.