पाटसला अहिल्यादेवी होळकर स्तंभाचे अनावरण

कानगाव, ता. १ : पाटस (ता. दौंड) येथे अष्टविनायक महामार्गावर पुण्यश्‍लोक अहिल्यादेवी होळकर चौकामध्ये होळकर यांच्या स्तंभाचे अनावरण करण्यात आले.
यावेळी त्यांच्या प्रतिमेचे पूजन करून अभिवादन करण्यात आले. स्वप्नील भागवत म्हणाले, ‘‘अहिल्यादेवी होळकर या एक आदर्श राज्यकर्त्या, समाजसुधारक आणि न्यायप्रिय शासक म्हणून ओळखल्या जातात. त्यांच्या दूरदृष्टीमुळे आणि कुशल प्रशासनामुळे त्यांनी आपल्या राज्याचा सर्वांगीण विकास केला. मंदिरांचा जीर्णोद्धार, धर्मशाळांचे बांधकाम, पाणी योजनेची अंमलबजावणी यासारखे कार्य त्यांनी केले.’’
योगेंद्र शितोळे म्हणाले, ‘‘अहिल्यादेवी यांनी फक्त एका समाजाला नाही तर संपूर्ण भारताला पुढे घेऊन जाण्याचे कार्य केले. सर्वांना समान न्याय दिला. सर्वधर्म समभाव जपला आहे.’’
या प्रसंगी पाटस सत्वशील शितोळे, विकास कोळपे, बाबा कोळेकर, दादा केसकर, संभाजी खडके, तानाजी केकाण, दादा भंडलकर, शिवाजी ढमाले, मोहन बिचकुले, अक्षय सुळ, विशाल साळुंके, अरुण भागवत, संभाजी देशमुख, मधुकर आव्हाड, अभिजित शितोळे, सागर शितोळे पाटील, अमोल भागवत, प्रवीण गरदडे, सतीश आव्हाड, शिवराज तोंडे पाटील उपस्थित होते. दादा केसकर यांनी आभार मानले.