कानगाव शाळेत स्वातंत्र्यदिनी विद्‍यार्थ्यांना मार्गदर्शन

कानगाव, ता. १६ : कानगाव (ता. दौंड) येथील जिल्हा परिषद प्राथमिक शाळेत स्वातंत्र्य दिन मोठ्या उत्साहात साजरा करण्यात आला. ध्वजपूजन नीलेश गवळी, शालेय शिक्षण समिती अध्यक्ष व उपाध्यक्ष यांच्या हस्ते करण्यात आले. यानंतर विद्यार्थ्यांनी समूहगीत व देशभक्तीपर गीते सादर केली. यावेळी शाळेतील विद्यार्थ्यांनी व मान्यवरांनीही मनोगते व्यक्त केली. विद्यार्थ्यांना स्वातंत्र्य दिन तसेच भविष्यातील नियोजन याविषयी यावेळी मार्गदर्शन करण्यात आले. मंथन स्पर्धा परीक्षा तसेच विविध गुणदर्शन स्पर्धेत यश मिळवणाऱ्या विद्यार्थ्यांना मान्यवरांच्या हस्ते पारितोषिके देण्यात आली. कानगाव ग्रामपंचायत तसेच दौंड तालुका पोलिस मित्र समितीकडून विद्यार्थ्यांना खाऊचे वाटप यावेळी करण्यात आले. शाळा व्यवस्थापन समितीचे अध्यक्ष किरण कोऱ्हाळे, उपाध्यक्ष योगेश चौधरी तसेच सर्व सदस्य उपस्थित होते. शाळेचे मुख्याध्यापक सखाराम खोमणे, उपशिक्षक राजेंद्र जगताप, श्याम ठाणेदार, एकनाथ हराळ, प्रकाश लकडे, संध्या कुंभार, शोभा कोष्टी यांनी स्वातंत्र्य दिनाचे नियोजन केले होते.