कानगाव परिसरात हळहळ व्यक्त

कानगाव, ता. २९ : कानगाव (ता. दौंड) येथे सन २०१७ मध्ये झालेल्या शेतकरी आक्रोश आंदोलनाला उपमुख्यमंत्री अजित पवार यांनी प्रत्यक्ष भेट देत शेतकऱ्यांचे प्रश्‍न जाणून घेतले होते. या आंदोलनाची राज्य शासनाने गंभीर दखल घेतली. त्यानंतर शेतकऱ्यांना दिलासा देण्यासाठी सरसकट कर्जमाफी जाहीर करण्यात आली. या निर्णयामुळे राज्यातील सुमारे ८९ लाख शेतकऱ्यांना मोठा लाभ मिळाला.
दरम्यान, कानगाव जिल्हा परिषद शाळेची निवड ‘आदर्श शाळा’ यादीत झाल्यानंतर शाळेच्या सर्वांगीण विकासासाठी ८२ लाख रुपयांचा विकास आराखडा मंजूर करण्यात आला. या आराखड्यातील पहिल्या टप्प्यात २६ लाख रुपयांची विकासकामे पूर्ण करण्यात आली. या निधीतून शाळेच्या पायाभूत सुविधा, शैक्षणिक साधनसामग्री, तसेच विद्यार्थ्यांच्या गुणवत्तावाढीसाठी आवश्यक सुविधा उपलब्ध करून देण्यात आल्या. अजित पवार यांची निधन वार्ता वाऱ्यासारखी पसरल्याने जिवाला चटका लावून गेली आहे. यामुळे कानगाव परिसरामध्ये हळहळ व्यक्त केली जात आहे.