बकोरी ग्रामपंचायत सदस्य संतोष वारघडे अपात्र

केसनंद, ता. २३ : तीन अपत्ये असूनही निवडणूक लढवलेल्या बकोरी (ता. हवेली) ग्रामपंचायतीचे सदस्य संतोष वारघडे यांचे सदस्यपद जिल्हाधिकाऱ्यांनी अपात्र ठरवले. साल २००१ नंतर जन्मलेली तीन अपत्ये असूनही ग्रामपंचायत निवडणूक लढवणाऱ्या वारघडे यांना अपात्र ठरविण्यासाठी त्यांच्याविरोधात रामराव कुटे यांनी महाराष्ट्र ग्रामपंचायत अधिनियम १९५९ चे कलम १४ (१) (ज-१) नुसार तक्रार दाखल केली होती. त्यानुसार, सर्व संबंधितांना नोटीसा काढून झालेल्या सुनावणीत अर्जदारासह जाब देणाऱ्यांना त्यांचे म्हणणे मांडण्यासाठी संधी देण्यात आली. त्यानंतर जिल्हाधिकाऱ्यांनी वारघडे यांचे सदस्य पद अपात्र ठरवले.