चौफुल्यात शनिवारी साहित्य संमेलन

केडगाव, ता. ११ : चौफुला (ता. दौंड) येथे अखिल भारतीय मराठी साहित्य संशोधन परिषद व भीमथडी मराठी साहित्य प्रतिष्ठान आयोजित चौथे साहित्य संमेलन शनिवार ( ता. १४ ) व रविवारी (ता. १५) होत आहे. संमेलनाध्यक्षपदी प्रसिद्ध कवी म. भा. चव्हाण यांची निवड केली आहे. संमेलनाचे उद्‍घाटन राष्ट्रीय समाज पक्षाचे अध्यक्ष महादेव जानकर यांच्या हस्ते होणार असल्याची माहिती संमेलनाचे मुख्य प्रवर्तक दशरथ यादव यांनी दिली. दुपारी १२ वाजता संमेलनाच्या उद्‍घाटनानंतर ग्रंथदिंडी, जलाभिषेक, पुरस्कार वितरण, कथाकथन, नाट्यप्रयोग, परिसंवाद, कविसंमेलन व समारोप असे कार्यक्रम होणार आहेत.