मोहन टुले यांची अध्यक्षपदी निवड

केडगाव, ता. २३ : येथील दौंड तालुका सहकारी खरेदी विक्री संघाच्या अध्यक्षपदी मोहन रामचंद्र टुले ( एकेरीवाडी) यांची तर उपाध्यक्षपदी नंदा दत्तात्रेय ताकवणे (पारगाव) यांची बिनविरोध निवड करण्यात आली, अशी माहिती संघाचे व्यवस्थापक सुहास रुपनवर यांनी दिली.
दोन्ही पदांसाठी टुले व ताकवणे यांचे एकमेव अर्ज आल्याने त्यांच्या निवडी बिनविरोध झाल्या. संघाचे शिवाजी ढमाले यांनी अध्यक्षपदाचा आणि स्वाती कोळपे यांनी उपाध्यक्षपदाचा राजीनामा दिल्याने रिक्त झालेल्या जागेवर टुले व ताकवणे यांच्या निवडी करण्यात आल्या.
निवडणूक निर्णय अधिकारी म्हणून साहाय्यक निबंधक डी.एच.मिसाळ यांनी काम पाहिले. यावेळी माजी आमदार रमेश थोरात, पोपटभाई ताकवणे, नानासाहेब जेधे, विश्वास भोसले, भिवाजी गरदडे, विजय नागवडे, दिलीप हंडाळ, शिवाजी ढमाले, धनंजय शेळके आदी उपस्थित होते.
....04225, 04226