केडगावात मुलींना एचपीव्ही लसीकरण

केडगाव, ता. ११ ः केडगाव (ता. दौंड) येथील प्राथमिक आरोग्य केंद्रात एचपीव्ही लसीकरण मोहिमेस सुरुवात झाली आहे. जिल्हा परिषदेचे सदस्य तुषार थोरात यांनी या मोहिमेचे उद्‍घाटन केले. यावेळी पंचायत समिती सदस्य धनंजय शेळके, केडगावच्या सरपंच पुनम बारवकर, वैद्यकीय अधिकारी डॉ. निलीमा लोखंडे, स्वामी विवेकानंद विद्यालयाच्या मुख्याध्यापिका शारदा जाधव उपस्थित होते. डॉ. नीलिमा लोखंडे यांनी या लसीबद्दल मार्गदर्शन केले व सोशल मीडिया वर पसरणाऱ्या अफवांवर विश्वास न ठेवता आपल्या १४ वर्षावरील व १५ वर्षांखालील मुलींना ही लस देण्यास पालकांना आवाहन केले. यावेळी लस संदर्भात काहीही शंका असल्यास आरोग्य केंद्रातील कर्मचारी यांना भेटून शंकानिरसन करण्यास विनंती करण्यात आली.