महादेव जानकर यांची पान बाजारास भेट

निमगाव केतकी, ता.१३: येथील पान बाजारात नुकतीच माजी पशुसंवर्धन दुग्धविकासमंत्री, विधान परिषदेचे आमदार महादेव जानकर यांनी भेट दिली. त्यांनी यावेळी पानमळे धारक, व्यापारी, शेतकऱ्यांशी संवाद साधला. सध्या विड्याच्या पानाचे दर पडले असल्याने पान उत्पादक शेतकरी अडचणीत सापडल्याने यावर मार्ग काढावा, अशी विनंती त्यांनी कृषिमंत्री माणिकराव कोकाटे यांना दूरध्वनी वरून केली. यावेळी कोकाटेने देखील लवकरच आपण यावर मार्ग काढू असे आश्वासित केले.
पान बाजारात पान उत्पादक गोरख आदलिंग, ब्रह्मदेव शेंडे यांनी सांगितले की, राज्यात नागवेलीच्या पानासाठी प्रसिद्ध असलेल्या निमगाव केतकी येथील पान उत्पादक शेतकऱ्यांना खर्चाच्या तुलनेत दर मिळत नसल्याने तो सध्या खूप अडचणीत सापडलेला आहे.
यावेळी गोरख आदलिंग, ब्रह्मदेव शेंडे, कांतिलाल राऊत, ॲड. सचिन राऊत, संतोष हेगडे, अण्णा पाटील, विराज पाटील, विशाल जगताप, राहुल बरळ, गणेश पवार, बापू खराडे यांच्यासह पान उत्पादक शेतकरी व व्यापारी उपस्थित होते.