निमगावातील उड्डाणपूल होणार चार दिवसात वाहतुकीस खुला
निमगाव केतकी, ता. ४ : इंदापूर- बारामती या श्री संत तुकाराम महाराज पालखी महामार्गावरील निमगाव केतकी (ता. इंदापूर) येथील श्री केतकेश्वर विद्यालयासमोरील उड्डाणपूल येत्या तीन- चार दिवसांमध्ये वाहतुकीसाठी खुला होणार आहे. त्यामुळे वाहनचालक व विद्यार्थ्यांना होणारा मनस्ताप आता थांबणार आहे.
येथील केतकेश्वर विद्यालयासमोरील उड्डाणपूल दोन वर्षांपूर्वी पूर्ण झालेला आहे. मात्र, बारामतीकडील बाजूस किरकोळ काम राहिल्यामुळे हा उड्डाणपूल वाहतुकीस बंद होता. या काळात दोनवेळा संत तुकाराम महाराज पालखी सेवा रस्त्यावरून गेली. या मार्गावर मोठ्या प्रमाणात वाहतूक असल्याने व विद्यालयातील सुमारे दोन हजार विद्यार्थी येथून ये- जा करत असतात. त्यामुळे सेवा रस्त्यावर सतत वाहतूक कोंडी व किरकोळ अपघात घडत होते. या ठिकाणचा उड्डाणपूल तातडीने वाहतुकीसाठी खुला करावा, यासाठी सातत्याने नागरिक व वाहनचालक मागणी करत होते. यासंदर्भात ‘सकाळ’नेही वेळोवेळी बातम्या प्रसिद्ध केल्या होत्या.
सध्या उड्डाणपुलाच्या बारामतीकडील बाजूस खडीकरण व मुरूमीकरणाचे काम सुरू केले आहे. ते झाल्यानंतर तीन- चार दिवसांमध्ये उड्डाणपूल वाहतुकीस खुला करण्यात येणार आहे.
- रवींद्र म्हस्के, वरिष्ठ अभियंता, पालखी महामार्ग
03043
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.