निमगाव येथे कृषिदूतांचा फुलांची रोपे देऊन सन्मान

निमगाव केतकी, ता.१०: निमगाव केतकी (ता. इंदापूर) येथील संत सावतामाळी मंदिरात कृषिदुतांकडून ग्रामीण जागरूकता कार्यानुभव कार्यक्रमाचे उद्‌घाटन करण्यात आले. यावेळी शेतकरी बांधवांनी कृषिदूतांचे फुलांची रोपे देऊन सन्मानित केले.

कृषिदूत यापुढील सहा महिन्यांच्या काळात ते शेतकरी बांध‌वांना पिकाच्या लागवडीपासून ते काढणीपर्यंत मार्गदर्शन करणार आहेत. अकलूज येथील शिक्षण प्रसारक मंडळ संस्थेच्या महात्मा फुले कृषी विद्यापीठ अंतर्गत येणाऱ्या रत्नाई कृषी महाविद्यालयात चतुर्थ वर्षात शिक्षण घेत असणारे हे विद्यार्थी निमावागात पुढील सहा महिने राहणार आहेत.
यावेळी सरपंच प्रवीण डोंगरे, ग्रामपंचायत अधिकारी लक्ष्मीकांत जगताप, कृषी सहाय्यक व्ही. एम. बोराटे, अमोल राऊत, विनोद डोंगरे व शेतकरी बांधव व ग्रामस्थ उपस्थित होते.
यावेळी रत्नाई कृषी महाविद्यालयाचे कृषिदूत स्वप्नील नाईकनवरे, प्रज्योत शिरढोणे, रोहित मगर, विवेक घुले, शेखर टापरे, श्रीराम फडतरे, प्रथमेश दुरगुडे, शिवराज निंबाळकर, गुरुदत्त भोसले उपस्थित होते.
कार्यक्रमासाठी शिक्षण प्रसारक मंडळाचे अध्यक्ष संग्रामसिंह मोहिते पाटील, प्राचार्य आर. जी. नलावडे, प्रा. एस. एम.एकतपुरे, प्रा. एम. एम. चंदनकर यांचे मार्गदर्शन लाभले.