पीएमपी सेवेचा विस्तार काशिगपर्यंत करा

कोळवण, ता. ३० : मुळशी तालुक्यातील कोळवण विभागात पीएमपीच्या बसेस कोळवण पर्यंत येत आहेत त्या सर्व बसेसच्या सेवांचा विस्तार काशिग पर्यंत वाढविण्यात यावा, अशी मागणी शिवसेनेच्यावतीने तालुका प्रमुख सचिन खैरे, युवासेना उपजिल्हाधिकारी अमित कुडले, तालुका समन्वयक नामदेव टेमघरे, उपतालुका प्रमुख अनंता वाशिवले, उपतालुका प्रमुख पांडुरंग निवेकर, नितीन लोयरे, संतोष लोयरे आदींनी पीएमपीच्या वाहतूक विभागास निवेदन देवून मागणी केली आहे. कोळवण ते काशिग हे अंतर फार कमी आहे तसेच आता रस्ता देखील चांगला आहे. विद्यार्थी, कामगार, दुग्ध व्यावसायीक, शेतकरी, महिला वर्ग यांच्याकरिता या मार्गाचा विस्तार होणे महत्त्वाचे आहे, त्यामुळे लवकरात लवकर पीएमपीचा विस्तार काशिगपर्यंत करावा, अशी मागणी केली आहे. यावर पीएमपी वाहतूक विभागाकडून हा प्रस्ताव मासिक सभेत वरिष्ठांपुढे विचार करण्यासाठी ठेवणार असल्याचे सांगितले आहे.