नाणेगावमध्ये सद्‍गुरु संस्कार शिबिरास प्रतिसाद

कोळवण, ता. १७ : नाणेगाव येथील विठ्ठल रुक्मिणी मंदिरात सद्‍गुरु संस्कार शिबिर नुकतेच पार पडले. सात दिवस पार पडलेले शिबिर मृदंग अलंकार गणेश महाराज शेडगे, गुरूवर्य श्रीकांत महाराज पातकर, गुरूवर्य राजेंद्र महाराज दहिभाते यांच्या मार्गदर्शनाखाली घेण्यात आले.
या शिबिरामध्ये साधू संत आणि शूरवीरांची जीवन चरित्रे, लिखित स्वरूपात ‘राम’ जप, संगीतमय हरिपाठ, विविध पद्धतीने खेळली जाणारी वारकरी पाऊले, साहसी खेळ घेण्यात आले.
या प्रसंगी आठ दिवसात श्रीकांत महाराज पातकर, पराग गोखले, क्रांती पेटकर, पुंडलिक वाघ, माऊली देशमुख, मयूर गुजर, जानकीराम जगताप या मान्यवरांनी शिबिरातील विद्यार्थ्यांना आध्यात्मिक ज्ञान आणि उपासना, आहाराचे नियोजन, व्यायाम प्रकार, हिंदू जनजागृती अशा विविध विषयांबाबत मार्गदर्शन केले. संस्कार शिबिराची सांगता श्रीकांत महाराज पातकर यांच्या काल्याच्या कीर्तनाने झाली.

शालेय मुलांना सुट्टी काळात सद्‍गुरु संस्कार निवासी शिबिर या संस्थेच्या वतीने नाणेगाव येथे काही वर्षांपासून नियमितपणे शिबिर घेतले जाते. त्याला आलेल्या मुलांना उत्तम संस्कार, आध्यात्मिक ज्ञान तसेच हिंदू धर्म जनजागृती असे उपक्रम घेण्यात येतात. त्यामुळे विद्यार्थ्यांना संस्कार, मूल्याधिष्ठित शिक्षण मिळते.
यशवंत गायकवाड