चिखलगाव शाळेत वृक्षारोपण

कोळवण, ता. १४ : चिखलगाव (ता. मुळशी) येथील जिल्हा परिषद प्राथमिक शाळेत गुरूवारी (ता. १०) नारळ, चिक्कू, पेरू या फळझाडांची लागवड करण्यात आली. ५३ व्या जागतिक पर्यावरण दिन आणि वृक्ष लागवड मोहिमेअंतर्गत सुदर्शन केमिकल्स कंपनीकडून कंपनीच्या सीएसआर प्रमुख माधुरी सणस यांच्या मार्गदर्शनाने शाश्वत व पर्यावरण विकासासाठी हा उपक्रम राबविण्यात आला. तसेच केशर, आंबा, पेरू, लिंबू, नारळ या फळझाडांचे वाटप ग्रामस्थांना करण्यात आले. सरपंच किरण फाले, पोलिस पाटील कृष्णा फाले, शाळेच्या मुख्याध्यापिका कविता कांबळे, सहशिक्षक कुंडलिक कांबळे, सुदर्शन कंपनीच्या वैशाली मुळे यांनी उपस्थितांना मार्गदर्शन केले. यावेळी पालक शिक्षक संघाचे अध्यक्ष रामदास फाले, अंगणवाडी सेविका उज्ज्वला मानकर, संगीता फाले, रूपाली फाले, अंकुश फाले, आशा सेविका माधुरी फाले, अविनाश फाले, चिंधू फाले आदी उपस्थित होते.