चिखलगाव येथे जलतारा प्रकल्पाची सुरुवात

कोळवण, ता. ११ ः चिखलगाव (ता. मुळशी) येथे शासनाच्या १५० दिवसांच्या कृती आराखडा या कार्यक्रमांतर्गत महात्मा गांधी राष्ट्रीय ग्रामीण रोजगार हमी योजनेतून ‘जिथे ऊस तेथे बांधावर नारळ लागवड’ व जलतारा योजनेअंतर्गत नारळांच्या रोपांची लागवड करण्यात आली.
या योजनेचे लाभार्थी तुकाराम नामदेव फाले, कैलास नागू फाले यांच्या बांधावर बुधवारी (ता. ६) नारळ लागवड व लहू मारुती फाले यांच्या शेतात जलतारा प्रकल्प उपक्रम राबविण्यात आला.
याप्रसंगी तालुका कृषी अधिकारी हनुमंत खाडे, माजी सभापती रवींद्र कंधारे, संत तुकाराम साखर कारखाना संचालक यशवंत गायकवाड, सरपंच किरण गोविंद फाले, माजी सरपंच किरण राम फाले, कल्याणी भालेराव, ऊर्मिला फाले, दामू रामू फाले यांच्या हस्ते वृक्षारोपण करण्यात आले.
यावेळी मंडल कृषी अधिकारी हरिभाऊ कुलकर्णी, सहाय्यक कृषी अधिकारी नवनाथ शिंदे, शेखर विरनक व संतोष कटरे, ग्रामपंचायत अधिकारी सारिका चव्हाण, मनरेगा सहाय्यक कार्यक्रम अधिकारी बेला महाजन, तांत्रिक अधिकारी योगेश भेंडेकर, कुंडलिक कांबळे, रूपाली फाले, अंकुश फाले, उज्ज्वला मानकर, रामदास फाले, पांडुरंग फाले, अनिकेत फाले आदी उपस्थित होते.

शेतकऱ्यांनी शासनाच्या महत्त्वाच्या असणाऱ्या ऊस तेथे बांधावरील नारळ लागवड या योजनेचा लाभ घ्यावा. त्याला शासकीय अनुदान आहे, तसेच भूजल पातळीत वाढ होण्यासाठी जलतारा प्रकल्प देखील महत्त्वपूर्ण आहे. जास्तीत जास्त शेतकऱ्यांनी या प्रकल्पाचा लाभ घ्यावा.
- हनुमंत खाडे, तालुका कृषी अधिकारी