हळव्या भाताची कापणी मुळशी तालुक्यात सुरू

कोळवण, ता. ९ : भाताचे आगार म्हणून ओळख असलेल्या मुळशी तालुक्यात असणाऱ्या भाताच्या हळव्या जातीची कापणी सुरू झाली आहे. हळव्या जातीचे भाताचे वाण हे इंद्रायणी व इतर भाताच्या वाणांपेक्षा कमी कालावधीत म्हणजेच सुमारे पंधरा ते वीस दिवस अगोदर कापणीस येते.
भाताच्या वाणांची लागवड ही कमी पाण्याच्या जागेवर तसेच ज्या जमिनीत पावसाचे पाणी इतर कोठूनही वाहून येत नाही, अशा माळरानासारख्या जमिनीवर या हळव्या जातीच्या भाताच्या वाणांची लागवड केली जाते. या वाणांमध्ये तृप्ती, रत्ना २४, शतक, गौरी साळ या व इतर वाणांची लागवड केली जाते. हे भात पीक कमी कालावधीत तयार होते. त्यामुळे
या भात पिकांची सध्या कापणी मुळशी तालुक्यात सुरू झाली आहे.

02563