मुळशी तालुकास्तरीय स्पर्धेचे उद्या बक्षीस वितरण

कोळवण, ता. २८ : मुळशी तालुकास्तरीय आदर्श गणेश मंडळ स्पर्धेचे बक्षीस वितरण गुरुवारी (ता. ३०) भूगाव, माताळवाडी (ता. मुळशी) येथे सायंकाळी सहा वाजता होणार आहे. या कार्यक्रमाचे आयोजक माधवराव ऊर्फ आबासाहेब शेळके यांचेकडून दरवर्षीप्रमाणे आबासाहेब शेळके मित्र मंडळाच्या वतीने या स्पर्धेचे आयोजन केले जाते.
मुळशी तालुका तहसील कार्यालय, पौड पोलिस ठाणे व बावधन पोलिस स्टेशन यांच्या वतीने ही स्पर्धा मागील १५ वर्षांपासून आदर्श गणेश मंडळ स्पर्धा तालुकास्तरावर होत आहे. यानिमित्त शाहीर चंद्रकांत माने यांचे शिवआख्यान होणार आहे. बक्षीस वितरणनिमित्त उपस्थित असलेल्या प्रेक्षकांसाठी लकी ड्रॉ स्पर्धेचे आयोजन करण्यात आले आहे. यातील विजेत्यांना खिल्लार बैलजोडी जिंकण्याची संधी मिळणार आहे.